Mesrob Mutafyan Culture Center

Ս. Որդւոց Որոտման Եկեղեցին Մեսրոպ Մութաֆեան Մշակոյթի Կեդրոնը, Ս. Աստուածածին Աթոռանիստ Մայր Եկեղեցւոյ Թաղային Խորհուրդի Վարչութեան տակ գտնուող չորս եկեղեցիէն մին է։ Այս վարչութիւնը կ՚ընդգրկէ նաեւ Պէզճեան Մայր Վարժարանը, Պոլսոյ Հայոց Ազգային Պատրիարքարանը եւ Վարդապետաց կալուածներու համալիրը։

Վարժարանին, եկեղեցւոյ եւ կալուածներուն կառավարութիւնէն պատասխանատու են ընտրութեամբ պաշտօն ստանձնող, Ատենապետը եւ Թաղային Խորհրդոյ անդամները։

2008ին իրականացած ընտրութեամբ պաշտօն ստանձնող Թաղային Խորհուրդը, բարձր ջանքերով եւ մեծ զոհողութեամբ փլատակ վիճակի մէջ եղող Որդւոց Որոտման Եկեղեցին, «2010 Իսթանպուլ Եւորպայի Մշակոյթի Կեդրոն» հիմնարկութեան համագործակցութեամբ վերանորոգած եւ Պոլսոյ Հայ Համայնքին ու մշակութասէրներուն սպասարկութեան յանձնած է։